Panyo

Ako’y isang panyo
Nakatira sa sulok ng kuweba ng pantalon
Sumisilip sa tuldok na liwanag
Naghihintay sa haplos ng iyong kamay

Bigla mo akong hinigit
Ako nga ba’y iyong ginamit
Sinalo ko ang umaapaw na tubig
Na mula sa mata ng aking iniibig

 

(Photo from http://strangersandunbrokenangels.blogspot.com/2013/01/panyo.html)

Yeso

Ako’y isang pinutol na yeso
Nakahiga sa maalikabok na paa ng pisara
Nakadungaw sa blankong silid
Naghihintay sa haplos ng mga daliri

Nangangati sa preskong hangin
Nagtatanong sa alingawngaw
Sa anong kamay ng oras ako mananatili
Dito sa bulok na gusali

(Photo from https://fineartamerica.com/featured/1-sidewalk-chalk-i-tom-mc-nemar.html)